2022 ވަނަ އަހަރުގެ ބައިނަލް އަގުވާމީ އަންހެނުންގެ ދުވަސް ފާހަގަކުރުމުގެ ގޮތުން ތަފާތު ގިނަ ހަރަކާތްތައް ކުރިއަށް ގެންގޮސްފިއެވެ. މިގޮތުން 8 މާރިޗް 2022 ގައި އަންހެނުންގެ ދުވަސް ފާހަގަކުރުމުގެ ގޮތުން ވަނީ ރައްޔިތުންނަށް އަމާޒުކޮށްގެން ހަވީރުގެ ސައިފޮދެއް ދެއްވާފައެވެ. މި ސައިފޮދު ތައްޔާރުކޮށްފައިވަނީ ޅޮހީ އަންހެނުންގެ ތަރައްޤީއަށް މަސައްކަތް ކުރާ ކޮމެޓީންނެވެ. މިދުވަސް ފާހަގަކުރުމުގެ ގޮތުން ހާއްޞަ ކޭކެއް ފެޅުންވެސް މިދުހުވަހު ކުރިއަށް ގެންދެވުނެވެ.
އަންހެނުންގެ ދުވަސް ފާހަގަ ކުރުމުގެ ގޮތުން 9 މާރިޗް 2022 ގައި ވަނީ ވަރަށް ފޮރިގަދަ އެކުވެރި ކަމުގެ ފުޓްސަލް މެޗްތަކެއްވެސް ކުޅެވިފައިެވެ. މި މެޗް ތަކުގައި ރަށުގެ ޒުވާން އަދި ހަރުފުރައިގެ އަންހެން ބޭފުޅުންވެސް ބައިވެރި ވިއެވެ.
އަންހެނުންގެ ދުވަސް ފާހަގަ ކުރުމުގެ ގޮތުން 9 މާރިޗް 2022 ވަނަ ދުވަހުގެ ހަވީރު ވަނީ ކެއްކުމުގެ މުބާރާތެއްވެސް ކުރިއަށް ގެންގޮސްފައެވެ. މި މުބާރާތުގައު ވަނީ 4 ޓީމަކުން ބައިވެރި ވެފައއެވެ. ތަފާތު މީރު އައިޓަމްތައް ފެނިގެން ދިޔަ މި މުބާރާތަކީ މިރަށުގެ އަންހެން ބޭފުޅުންގެ ކެއްކުމުގެ ހުނަރު ފެނިގެން ދިޔަ މުބާރާތެކެވެ
