ރޯދަމަހަކީ މާތްވެގެންވާ އަޅުކަމުގެ މަސްވަރެއްގެ އިތުރުން ދިވެހިން ޚާއްޞަ އަހަންމިއްޔަތުކަމެއް އެމަހަށް ދޭ ދުވަސް ވަރެކެވެ. ގޯތި ޒީނާތްތެރިކުރުމާއި، ހިފާގެންގުޅޭ ސާމާނު އާކުރުމަކީ ރޯދައަށް ތައްޔާރުވމުގެ ގޮތުން ޒަމާނުއްސުރެ ދިވެހިން ކުރަމުން އަންނަ ކަންކަމެވެ. އެއީ ދިވެހިންގެ ސަޤާފަތެކެވެ. މިކަންކަމުގެ އިތުރަށް، ނަފްސުތައް ސީދާ އަޅުކަމަށް ހާނާތައްޔާރުކުރުމަކީވެސް ދިވެހިން ޒަމާނުއްސުރެ ކުރަމުން އަންނަ ކަންކަމެވެ. މިގޮތުން އެމަހުގައި އާންމުކޮން ކުރަމުންއަންނަ ދިރިއުޅުމުގެ މަސައްކަތްތައްވެސް ހުއްޓާލައެވެ. ނުވަތަ މަދުކޮށްލައެވެ. އެއީ ގިނަވަގުތު އަޅުކަމުގައި ހޭދަކުރުމަށްޓަކައެވެ. ނަމާދާއި، ރޭ އަޅުކަމާއި، ޤުރުއާން ކިޔެވުމަށް ވަގުތު ހުސްކުރުމަށްޓަކައެވެ.
ރޯދަމަށްހަށް އިސްތިޤްބާލުކުރުމަށްޓަކައި ރަށުފެންވަރުގައިވެސް ކަންތައްތަކެއް ކުރެއެވެ. މިގޮތުން މިސްކިްތައް މާރާމާތުކުރުމާއި، މިސްކިތައް އަންނަމީހުންނަށް ވީހާވެސް ފަހިވާނެހެން ވަސީލަތްތައް ފުރިހަމަ ކުރުމާއި، މިސްކިތަކީ ހިތްފަސޭހަ ސާފުތަނެއްކަން އަބަދުވެސް ކަށަވަރުން ހިމެނެއެވެ.
ރޯދަމަހަށް ތައްޔާރުވުމުގެ ގޮތުން ކުރީއަހަރުވަނި ރަށުގެ ބާ މިސްކިތް، މަސްޖުދުލް ހުދާ ވަރަށްބޮޑަށް މަރާމާތުކޮށް، ކުލައާއި ދަވާދު އާކޮށް ވަރަށް ބޮޑަށް ރީތިކުރެވިފައެވެ. ހަމަ އެފަދައިން މިއަހަރުވެސް ވަނީ މިސްކިތުގެ ބައެއް ބައިތައް މަރާމާތުކޮށް ގެންނަންޖެހެ މުހިންމު ބަދަލުތައް ގެނެވިފައެވެ. މިގޮތުން ދީލަތި ފަރާތްތަކުގެ އެހީތެރިކަމާއެކު، މިސްކިތުވަޅު މާރާމާތު ކުރެވިފައެވެ، މީގެ އިތުރުން ވުޟޫކުރާ ފެން އިސްކުރުބަރީގެ އިސްކުރުތައް ވަނީ ޒަމާނީ އިސްކުރަށް ބަދަލު ކުރެވިފައެވެ. މި މަސައްކަތް ކޮށްދެއްވި އެހީތެރިންނަށް މިކައުންސިލުން ނުހަނު އިޙްލާސްތެރިކަމާއެކު ޝުކުރު ދަންނަވަމެވެ. އަދި އެބޭފުޅުންގެ މުދަލުގައި ބަރަކާތްލެއްވުން އެދި ދުޢާކުރަމެވެ.
މިސްކިތްތައް މަރާމާތުކުރުމަށް ކުރެވުނު މުހިންމު މަސައްކަތްތައް
ރޯދަަމަހަށް ތައްުޔާތުވުމުގެ ގޮތުން ރަށުގެ ދެމިސްކިތުގަވަސް ވަނީ އާބާތުރަ ފިލުވުމާއި، ތަނަވަސް މާހައުލެއް ޤާއިމުކުރުމަށްޓަކައި ބައެއް މަސައްކަތްތައް ކުރެވިފައެެވެ. މިހުރިހާ މަސައްކަތެއް ވެސް ކޮށްފައިވަނީ ކައުންސިލުގެ މުވައްޒަފުން ހިލޭ ސާބަހަށް ކަން މިފުރުޞަތުގައި ފާހަގަކޮށްލަމުން، ކައުންސިލުގެ ހުރިހާ މުވައްޒަފުންނަށާއި، އެހީތެރިކަންފޯރުކޮށްދިން އެންމެހާފަރާތްތަކަށް ވަރަށްއިޙްލާސްތެރިކަމާއެކު ކައުންސިލުގެ ނަމުގައި ޝުކުރުދަންނަވަމެވެ.
ކުރެވުނު މުހިންމު މަސައްކަތްތައް .
މަސްޖިދުލް ހުދާގެ ފެންވަޅު މާރާމާތުކުރުން
މަސްޖިދުލް ހުދާގެ ފެންއިސްކުރު ބަރީގެ އިސްކުރުތައް ޒަމާނީ އިސްކުރަށް ބަދަލު ކުރުން
މިސްކިތުގެ ފޮތްހަރުގަނޑުތައް އާކުރުން
މިސްކިތުގެ ފާރުތަކުން ކުލަފާބައިފައިވާ ތަންތަން ރަނގަޅުކުރުން
މަސްޖިދުލް ޤްފުރާންގެ ހޯލުތެރޭގައި ވުލުކުރުމަށާއި، ފައިދޮވުންފަދަ ކަންކަމަށް އިތުރު 2 އިސްކުރު ހަރުކުރުން
އަންހެނުން ތަރާވީހް ނަމާދުކުރާބައިގެ ޖާގަ އިތުރުކުރުމުގެ ގޮތުން މިސްކިތުގެ ބޭރުފެންޑާގައި ތަޅުން އަޅާ ޖާގަތަނަވަސް ކުރުން
މިސްކިތުގެ ފޮތްހަރުގަނޑުތައް ބަދަލުކުރުން
